Volume 4

Kahaniyan na suno aas paas logon ki.
K mera shehar hai basti Udaas logon ki.
Muhabbat ka safar khatam hi nahi hota,
Hamain to dosti aayee na raas logon ki.
Hamain bhi apny yaad aaty hain,
Chaly jo baat khaas khaas logon ki.
Men aany waaly zamany sey dar raha hoon "Naaz",
K men ney daikhi hain aankhain udaas logon ki.

Mily jahan sey kisi ko kaanty, Kisi k hissy Gulaab thehry.
Jisy wo chaahy nawazta hai, Ye mery Rab k Hisaab thehry.
Barra Raheem-O-Kareem hai wo, Jisy bhi dey dey, Ye Uski marzi,
Kisi k hissy sawaab likh dey, Kisi k hissy Azaab thehry.
Ye apni taqdeer sey mila hai, Kisi ko dariya, Kisi ko sehra,
Koi tarasta hai boond bhar ko, Kisi k hissy Sailaab thehry.
Koi to din main bhi daikhy sapny, Kisi sey neendain bhi door thehree'n,
Kisi k hissy main rat'jagy to kisi k hissy main Khawab thehry.

Tumhen men Pyar karta hoon, Teri men jaan ley loon ga,
Agar in jheel aankhon ko kabhi pur'num kiya tum ney.

Muhabbat ko koi samjhy to aakhir kis tarha samjhy?
Ye zaalim Inteha tak Ibteda maaloom hoti hai.

Aankhain khuli to jaag uthi hasratain tamaam,
Usko bhi kho diya, Jisy paya tha khawab main.

Men to is waasty chup hoon k tamasha na bany,
Tu samajhta hai k mujh ko gila kuch bhi nahi.

Ham kon hain? Kya hain? Baa'Khuda yaad nahi.
Apny aslaaf ki koi bhi adaa yaad nahi.
Hain agar yaad to kaafir k taraany hi bas,
Hai nahi yaad, to Masjid ki sadaa yaad nahi.
Bint-e-Hawwa ko nachaty hain sar-e-mehfil ham,
Kitny sang'dil hain k rasm-e-hayaa yaad nahi.
Aaj apni zillat ka sabat yehi hai shayad,
Sab kuch yaad hai magar sirf Khuda yaad nahi.

Khushk patton ki tarha bikhry hain ham gali koochoon main,
Hawa sey dil'lagi ka koi to anjaam hona tha.

Be-khawab lamhon ka Paristaar kon tha?
Itni udaas raat main Be-daar kon tha?
Kis ko thi ye fikar k Muhabbat main kya hua?
Ham is pey larr rahy hain k Wafa'daar kon tha?
Sou kashtiyan jala k chaly saahilon sey ham,
Ab tum ko kya bataayen k us Paar kon tha?
Ye faisla to shayad waqt bhi na kar saky,
Sach kon bolta tha? Adaa'kaar kon tha?
Zamany guzar gaye ye sochty huey,
Men kis ko kahoon apna? Mera Gham'khawar kon tha?

Aisy toota hai tamannaon ka Pindaar k bas.
Dil ney jhaily hain Muhabbat main wo Auzaar k bas
Ik jhonky sey zamany mery hathon sey gaye,
Is qadar taiz hui waqt ki Raftaar k bas.
Tu kabhi rakh k hamain daikh to baazaar k beech,
Is tarha toot k aayen gey Kharidaar k bas.
Kal bhi sadiyon ki musaafat sey pary they dono,
Darmayan aaj bhi parrti hai wo Deewar k bas.
Ye to ik zid hai k "Mohsin" men shikayat na karoon,
Warna shikwy to hain itny mery Yaar k bas.

Kuch yoon hua k jab bhi zaroorat parri mujhy,
Sab loag ittefaaq sey majboor ho gaye.

Jin par sitam tamam qafas ki Fiza k they.
Mujrim wo loag apni shikista Anaa k they.
Aey dasht-e-khaar, Ham sey hisaab-e-karam na maang,
Paaon main aably they, Magar Ibteda k they.
Lab par saja liye they yoonhi ajnabi sey naam,
Dil main tamam zakhm kisi Aashnaa k they.
Patton sey bhar rahy they hawaaon ki jholiyan,
Girty huey ashjaar bhi sakhi Intehaa k they.
Ab dhool orrhna bhi muyassar nahi jinhain,
Waris wo ehl-e-dil kabhi Arz-o-Samaa k they.

Jis ko bhi daikha, Usko mukhlis hi paya,
Bohat fariab diya hai meri nigaahon ney mujhy.

Jisko bhi daikha Pyaar main roty huey daikha,
Ye Muhabbat to mujhy kisi faqeer ki bad'dua lagti hai.

Aik waada hai kisi ka jo wafa nahi hota.
Warna in taaron bhari raat main kya nahi hota?

Sirf chehry ki udaasi sey nikal aaye aansu "Saagar",
Dil ka aalam to abhi us ney daikha hi nahi tha.

Yaad aaty ho to ho jaati hain num aankhain,
Kya tasawwur main bhi sataany ki qasam khaayee hai?

Muhabbaton ney kaisa kamal kar dala.
Hamein to udaasiyon ki misaal kar dala.
Kabhi mily to poochain gey ik doojy sey,
K kis ko kis k gham ney nidhaal kar dala?
Tu bata k us sey kya kahoon ga men?
Meri udaasi pey jo kisi ney sawal kar dala.
Suna tha zindagi ka safar bohat mushkil hai,
Or ham ney kar k Muhabbat isy or bhi muhaal kar dala.

Dasht main pyas bujhaty huey mar jaaty hain.
Ham prindy kahin jaaty huey mar jaty hain.
Ham hain sookhy huey taalaab par baithy huey hans,
Jo talluq ko nibhaty huey mar jaaty hain,
Kis tarha loag chaly jaaty hain uth kar chup chaap,
Ham jo ye dhayan main laaty huey mar jaaty hain.
Ghar pohanchta hai koi or tumhary jaisa,
Ham tery shehar sey jaaty huey mar jaaty hain.
Un k bhi qatal ka ilzaam hamary sar hai,
Jo hamen zehar pilaaty huey mar jaaty hain.
Ye Mohabbat ki kahani nahi marti laikin,
Loag kirdaar nibhaaty huey mar jaaty hain.
Ham hain wo tooti hui kashtion waaly "Taabish",
Jo kinaaron ko milaaty huey mar jaaty hain.

Aakaash ki chilman sey sada kion nahi aati?
Ik habs ka aalam hai, hawa kion nahi aati?
Sab ehl-e-junoo'n bazm sey kehty huey guzry,
Tery shehar k loagon ko wafa kion nahi aati?

Khafa hai mujhy sey, mujhy preshan karta hai.
Ajeeb shakhs hai, khud sey bad'gumaan karta hai.
Na meri parwa hai, na mery haal ki kuch khabar,
Salook wo karny laga hai, jaisy anjaan karta hai.
Wo mery zikar pey uktaana, mujh sey katraa k guzar jana,
Aisy lagta hai jaisy wo doori ka saaman karta hai.
Pehly to mujh sey milna hi eham tha jis k liye,
Ab milta bhi hai to jaisy ehsaan karta hai.
Talluq torrna hai to aa k mujh sey keh dey "Wasi",
Wo aisi baatain ghairon sey kion bayaan karta hai.

Agarchy do kinaron ka kahin sangam nahi hota.
Magar ik sath chalna bhi to koi kam nahi hota.
Badan sey rooh jaati hai, to bichti hai saf-e-maatam,
Magar kirdaar mar jaaye to kion maatam nahi hota.?
Hazaron zulmaton main bhi jawaa'n rehti hai lou uski,
Chiragh-e-ishq jalta hai, to phir madham nahi hota.
Madava aap ho jata hai apny dard ka aksar,
Wo jin zakhmon ka duniya main koi marham nahi hota.
Wo aankahin ik luta ghar hai, jahan aansu nahi rehty,
Wo dil pathar hai jis dil main kisi ka gham nahi hota.

Abhi to khush hai mousam, jo barish ho to sochain gey,
K ham ney apny armaano'n ko kis matti main bona hai.

Hathon ko dil ney khoon ki tarseel rok di,
Aik baar teri yaad par ungli uthaai thi.

Ham to moujood they raaton main ujaalon ki tarha.
Loag nikly hi nahi dhoondny waalon ki tarha.
Dil to kya, ham rooh main utar jaaty,
Kisi ney chaha hi nahi, chaahny walon ki tarha.

Jahan jahan koi thokar hai meri qismat main,
Wahan wahan liye phirti hai zindagi mujh ko.

Yaadon ki shaal ourrh kar, galiyon ki aawara-gardiyan,
Kaati hain ham ney yoon bhi, raatain December ki.

Waqt bhi laita hai karwatain kaisi kaisi,
Umer itni to na thi, par sabaq bohat seekh liye.

December aa k dareechon main thehar jaaye,
To deewaron pey calender badalny sey, yaadain to nahi jaateen.

Kion hota hai ye aitbaar ki dehleezon pey aksar,
Jo bohat apny hon, wohi apny nahi rehty.

Laaon ga men kahan sey judai ka housla?
Kino is qadar qareeb mery aa gaye ho tum?

Kya yehi kamaal hai ishq-o-mohabbat karny ka "Sahil"?
Umer jeeny ki hai, or shok marny ka.

Dil ko gham-e-hayaat ganwara hai in dinon.
Pehly jo dard tha, wohi chara hai in dinon.
Ye dil, zara sa dil teri yaadon main kho gaya,
Zarry ko aandhiyon ka sahara hai in dinon.
Har saail-e-ashk, saail-e-taskee'n hai aaj kal,
Darya ki mouj mouj kinara hai in dinon.
Shamon main ab nahi hai wo pehli si roshni,
Shahyad wo chaand anjuman'aara hai in dinon.
Tum aa sako to shab ko barrha doon kuch or bhi,
Apny kahy main subha ka taara hai in dinon.
Qurbaa'n ho jis k husn pey sou jannatain "Qateel",
Nazron k saamny wo nazara hai in dinon.

Jab baiti choukhat paar kary,
Or Izzat ka beopaar kary,
Jab baap ki izzat kho jaaye,
Jab qoum ki ghairat so jaaye,
Jab bhai ko taany milty hon,
Or behnon k dil jalty hon,
Jab Maaon ki nazrain jhuk jaayen,
Or saansain labon pey ruk jaayen,
Jab sharm-o-haya ka aamaiza,
Jab ik kanwari dosheza,
Jab be'sharmi ko apna ley,
Jab khud ko zillat main dhaaly,
Jab ghair k seeny lag jaaye,
Or apna aap ganwa aaye,
To aisi haalat ko logo,
Ham log Mohabbat kehty hain.
*
Haya ko tan sey utaar daina.
Kisi ko baahon k haar daina.
Phir us k jazbon ko maar daina.
Agar Mohabbat yehi hai jaana,
To muaaf karna, mujhy nahi hai.
Gunaah karny ka soch laina.
Haseen pariyan, daboch laina.
Phir uski aankhain hi noch laina.
Agar Mohabbat yehi hai jaana,
To muaaf karna, mujhy nahi hai.
Kisi ko lafzon k jaal daina.
Kisi ko jazbon ki dhaal daina.
Phir uski izzat uchaal daina.
Agar Mohabbat yehi hai jaana,
To muaaf karna, mujhy nahi hai.
Andhair nagri main chalty jana.
Haseen kaliyan masalty jana.
Or aisi harkat pey muskurana.
Agar Mohabbat yehi hai jaana,
To muaaf karna, mujhy nahi hai.

Usko gharoo-e-husn tha, to men anaa-parast,
Jo jaa raha tha, mujh sey pukara nahi gaya.

Sab jaanty hain guzry zamany nahi aaty.
Aaty bhi hain to wo loag purany nahi aaty.
Kuch is qadar bikhra hai aashiyana mera,
Jahan panchi bhi raat bitaany nahi aaty.

Laga kar aag dil main ab chaly ho tum kahan "Mohsin"?
Abhi to raakh urrny par, tamasha or bhi ho ga.

Khushiyon ki baaraat udhoori chorr gaye ho.
Saajan dil ki baat, adhoori chorr gaye ho.
Tum to khud they piyaas bujhany waly,
Tum kion'kar barssat adhoori chorr gaye ho.
Aadhy aadhy kar k meri neendain or khawab,
Meri ik ik raat adhoori chorr gaye ho.
Loagon ki takmeel ka baa'is ban'ny waaly,
Kion'kar meri zaat adhoori chorr gaye ho.
Sadiyon ki sangat k baary bol rahy they,
Or achanat baat adhoori chorr gaye ho.

Tanhai ki jaan jalaaon yoonhi raat bhar,
Khud hi ghar par dastak doon or khud hi poochoon, Kon?

Chalo aisa karain mil k sitary baant laity hain.
Zaroorat k mutaabik sab nazary baant laity hain.
Mohabbat karny walon ki tijarat bhi anokhi hai,
Munafa chorr daity hain, khasary baant laity hain.
Agar milna nahi mumkin to lehron pey qadam rakh kar,
Abhi darya-e-ulfat k kinary baant laity hain.
Meri jholi main jitny bhi wafa k phool hain in ko,
Akatthy baith kar aapas main, saary baant laity hain.
Khuloos k ilaah'wah paas apny kuch nahi "Fraz",
Isi dolat ko ham qismat k maary baant laity hain.

Saza pey chorr diya, kuch jazaa pey chorr diya.
Har aik kaam ko ham ney, Khuda pey chorr diya.
Wo ham ko yaad rakhta, ya bhula daita,
Uska kaam tha, uski razaa pey chorr diya.
Ab uski marzi, bujha dey ya phir jalaa k rakhy,
Jalaa kar chiragon ko ham ney hawa pey chorr diya.
Ab us sey baat bhi karty to kis tarha karty?
Ye masla anaa ka tha, anaa pey chorr diya.
Is liye to kehty hain wo be-wafa ham ko,
K ham ney sara zamana wafa pey chorr diya.

Dhoka khana to Mohabbat walon ki ik rasm-e-wafa hai,
Phool khushi k liye hoty to loag janazy pey na daalty.

Har baar mujhy zakhm-e-judai na diya kar.
Agar tu mera nahi to mujh ko dikhaai na diya kar.
Sach jhoot teri aankhon sey ho jata hai zaahir,
Qasmain na uthaa, itni safaaai na diya kar.
Maaloom hai tu rehta hai mujh sey gurezaa'n,
Paas aa k Mohabbat ki duhaai na diya kar.
Toufeeq nahi agar tujh ko wada nibhany ki,
Oron ko bhi tu dars-e-bhalai na diya kar.
Urr jaayen to phir lout k kab aaty hain "Wasi",
Har baar prindon ko rehaai na diya kar.

Unko maaloom hi nahi jazba-e-mohabbat kya hai,
Wo jo har baat pey kehty hain, Mohabbat ki qasam.

Jaany kis khouf ney taa'umer musaafir rakha,
Go, koi harj na tha lout k ghar jaany main.

Chehry badal badal k mujhy mil rahy hain loag,
Kitna bura sulook, meir saadgi k saath.

Tawaqqu thi is gham ka madawa ho hi jaaye ga,
Magar afsoos k pehli Mohabbat, aakhri nikli.

Bahaar rut main, ujaarr rasty,
Taka karo gey, to ro parro gey.
Kisi ko milny ko jab bhi "Zahid",
Saja karo gey, to ro parro gey.
Tumhary wadon ney yaar mujh ko,
Tabah kiya hai kuch is tarha sey,
K zindagi main jo phir kisi sey,
Dagha karo gey, to ro parro gey.
Men jaanta hoon meri Mohabbat,
Ujaarr dey gi tumhen bhi aisy,
K chaand raaton main ab kisi sey,
Mila karo gey, to ro parro gey.
Barasti barish main yaad rakhna,
Tumhen sataayen gi meri aankhain,
Kisi k liye kisi jagah par jab,
Dua karo gey, to ro parro gey.

Karna hi tanz hai to hansny ka kya takalluf,
Kion zehar dey rahy ho Mohabbat mila mila kar.

Dasht-e-darya k ye us paar kahan tak jaati?
Ghar ki deewar thi, deewar kahan tak jaati?
Mit gayee hasrat-e-deedar bhi rafta rafta,
Hijar main hasrat-e-deedar kahan tak jaati?
Thak gaye hont, tera naam bhi laity laity,
Aik hi lafz ki takraar kahan tak jaati?
Tu bohat door, bohat door gaya tha mujh sey,
Meri aawaz, mery yaar kahan tak jaati?
Har tarf husn k baazar lagy they "Mohsin",
Mery chashm-e-khareedar kahan tak jaati?

Faqat ik nawaly k liye men ney kiya jis ka shikar,
Wo prinda bhi kayee roz ka bhooka nikla.

Saadgi, Mehr-o-wafa, Mohabbat or Khuloos,
Umer bhar hoti raheen yehi khatayen ham sey.

Wo ashk ban k meri chashm-e-tar main rehta hai.
Ajeeb shakhs hai, paani k ghar main rehta hai.

Men khoon baich kar roti khareed laya hoon,
Ameer-e-shehar bata, ye halaal hai k haram.

Gham bhi diye to yoon k naa wapis liye kabhi,
Un k hamari zaat pey ehsaan hi rahy.

Dil jeetny k fan pey agar dastaras na ho,
Dukhti ragon ko chairrna danish'wari nahi.

Barry zor-o-shor sey chal raha hai kaar-o-baar Mohabbat ka,
Kahin chahatain bik rahi hain, kahin log badal rahy hain.

Mohabbat bhi hoti hai to zaroorat k paish-e-nazar "Mohsin",
Ab ik nazar main lut jaany ka zamana nahi raha.

Abhi to saath chalna hai sumandar ki musaafat main,
Kinary par hi daikhain gey, kinara kon karta hai.

Ye lafzon ki shararat hai, sanbhal kar kuch bhi likhna tum,
"Mohabbat" lafz hai laikin ye aksar ho bhi jaati hai.

Na koi fikar laahaq hai, na koi yaad hai baaqi,
Magar ye aakhri misra zara sa jhoot lagta hai.

Elaan-e-mout hua to logon ney kaha "Mohsin",
Acha hua k mar gaya, aksar udaas rehta tha.

Aansuwon ko kaisy khabar hui teri judai ki,
Shayad ye khud hi nikal parry teri tlaash main.